Персональный сайт: Борис Павлов
Персональный сайт: Борис Павлов

Сайын

Саҥа сайын саҕар
саҥа санаалары,
Үөрүү төрөтөр ыраах илдьэр
ыралары,
Саха күөххэ үктэниитэ
Күн, Айылҕа уонна Киһи
кыттыгастаах үөрүүтэ.
Доҕоруом, 
сайыны кээмэйдээ
ыраах айан
далааһыннарынан,
Сөмөлүөттэр
күҥҥэ күлүмүрдүүр
көмүс кынаттарынан,
Аан дойду
бары улахан куораттарын
географияларынан,
Чугас дьонноруҥ
сайыҥҥы дьоллоох
биографияларынан!
Онтон мин баҕам кыра:
Саныыбын кыракый
алаас кытыытыгар
балаҕан туттуохпун,
Саҥа атыыласпыт
хотуурбун үөл
титиригинэн уктуохпун,
Уонна сарсыарда эрдэ
күөрэгэй ырыатынан
уһуктуохпун.
Аһаҕас түннүгүнэн
мөҥүрээн киириэҕэ
Тойон ыҥырыа,
Күн таҕыста,
эн утуйа сытаҕын диэн
сөбүлээбэтэхтии ыҥырҕыа,
Тэлгэһэ иһигэр
ыйанан туруоҕа
сүүс харахтаах 
илимим,
Ходуһаҕа лөглөйүө
чиҥник түстээбит
кэбиһиим.


Возврат к списку
Издания автора
Сахалар. Дьылҕа-хаан ыйааҕынан
Саха биллиилээх суруналыыһа Борис Иванович Павлов 90-с сылларга бэйэтэ туспа айар суоллаах ааптар быһыытынан ааҕааччыга биллибитэ. Кини бу кинигэтигэр саха чулуу дьонун дьылҕаларынан норуотун, көлүөнэтин инникигэ дьулуурун көрдөрүөн баҕарар.
Дьолуо
Кэм-кэрдии... Олох… Таптал... Борис Павлов ураты поэзиятыгар.