Персональный сайт: Борис Павлов
Персональный сайт: Борис Павлов

Үөрдээри

Хаһан хаһыҥ түспүтүн -
умун,
Саарбах санаалары
чалбах курдук -
тумун,
Көрбүтүҥ дии сыһыыга
үрүҥ сылгы
үөрдэрин,
Ити барыта доҕорум,
Эйигин үөрдээри.
Сырдык ыралар
хоноһолуу хоноллор,
Үрүҥ ааллар ыраах
айаҥҥа 
хоҥноллор,
Чыычаахтар талахха
чубугураһа
олороллор,
Ити барыта сэгэрим,
Эйигин
дьоллоору.
Билиһиннэриэм туох
баар кэрэ дьоннору,
Кэпсиэхтэрэ кинилэр
кэрэхсэбиллээх
олохтору,
Мин кэлбиппин ытык
иэспин - толороору,
Эйигин толору
дьоллоору.
Эн ыраҥ чороонун
толороору,
Эйиэхэ анаан бу аалы -
тутаары,
Бу судургу тыллары
тиэрдээри,
Эйигин эрэ үөрдээри.
Үөрдээри…
Үөрдээри…
Үөрдээри…
Үөрдээри…
Үөрдээри…
Үөрдээри…
Үөрдээри…
Үөрдээри…
Үөрдээри...


Возврат к списку
Издания автора
Дьолуо
Кэм-кэрдии... Олох… Таптал... Борис Павлов ураты поэзиятыгар.
Сахалар. Дьылҕа-хаан ыйааҕынан
Саха биллиилээх суруналыыһа Борис Иванович Павлов 90-с сылларга бэйэтэ туспа айар суоллаах ааптар быһыытынан ааҕааччыга биллибитэ. Кини бу кинигэтигэр саха чулуу дьонун дьылҕаларынан норуотун, көлүөнэтин инникигэ дьулуурун көрдөрүөн баҕарар.