Персональный сайт: Борис Павлов
Персональный сайт: Борис Павлов

Санааларым - сылгыларым

Санааларым - аттарым,
Үрүҥ, хара сылгыларым,
Күн Дьөһөгөй оҕолоро,
Сүрэҕим быарым сорҕолоро,
Оҕо сааһым ыралара,
Эдэр сааһым ырыалара,
Толкуйдарым соноҕосторо,
Өркөн өйүм оноҕосторо,
Сайын кэллэ диэбиккит
Үрүө - тараа сиэлбиккит,
Куйаас буолла диэбиккит
Субуруйа сүүрбүккүт.
Ала атым алааска
Турар үһү сылааска,
Бырдахтана сапсына,
Көй салгынтан астына.
Тураҕаһым соноҕоһум
Көмүс сиэллээх доҕорум,
Тобугурас туйаҕа
Тыаһаан ааспыт хайаҕа.
Сиэнчэрдэрим үөрдэрэ
Үрэх баһын туппуттар,
Өлгөм оту буланнар
Торолуйа топпуттар.
Өҥнөммүттэр, түүлэммиттэр,
Үтүө аска көммүттэр,
Түөскэ күнү иилиммиттэр,
Күлүмүрдэс өҥнөммүттэр.
Көччүйдүннэр санаалар,
Мэччийдиннэр ырыалар,
Ыанньыйдыннар ыралар,
Тиллиэхтэрэ сыралар.
Күһүн буолуо, хаһыҥ түһүө
Көрдүү барыам аттарбын
Алаастары кэрийиэм,
Үрэхтэри өҥөйүөм,
Санааларбын сылгылыам,
Толкуйдарбын хомуйуом,
Ырыа гынан ыскайдыам,
Хоһоон гынан хоһуйуом.


Возврат к списку
Издания автора
Сахалар. Дьылҕа-хаан ыйааҕынан
Саха биллиилээх суруналыыһа Борис Иванович Павлов 90-с сылларга бэйэтэ туспа айар суоллаах ааптар быһыытынан ааҕааччыга биллибитэ. Кини бу кинигэтигэр саха чулуу дьонун дьылҕаларынан норуотун, көлүөнэтин инникигэ дьулуурун көрдөрүөн баҕарар.
Дьолуо
Кэм-кэрдии... Олох… Таптал... Борис Павлов ураты поэзиятыгар.