Персональный сайт: Борис Павлов
Персональный сайт: Борис Павлов

Өрүстэр, үрэхтэр

Өрүстэр, үрэхтэр саҕаланаллар сүрэхтэн,
Тыаттан дииллэр -
ырыаттан,
Хоһоон курдук хомуллаллар,
Ырыа курдук айыллаллар,
Хас биирдии от мас аайыттан
хомуйаллар сииги,
Кэпсэтэллэр,
Хобугунаһаллар,
Сибигинэһэллэр,
Сүүрүк буолан күҥҥэ
чаҕылыһаллар,
Сииги хааппыланан
бэрсиһэллэр,
Күүс ылан эрчимирэн кэлэллэр,
Хатыҥ иһэрдэр уутун,
Тамыйах ийэтин эмэрин 
курдук
Аар тайҕаттан эмэллэр сүмэһини,
Күүс ылан кэлэллэр
тэтимирэн,
Усталлар
таҥнары үрэҕирэн,
Арыйаллар Айылҕа ааннарын,
Тоҕо охсоллор хайалары,
Сыҕарыталлар сымара таастары,
Дохсуннук, хорсуннук тохтоллор,
Көҥүлгэ, киэҥ дуолга дьулуһаллар,
Саха сирин биир гына субуллаллар,
Эн биһиэхэ Ийэ, Эбэ буолан кэлэллэр,
Араастаан иэҕиллэн,
Эриэн үөн курдук эргийэн
Саха сирин каартатыгар олохпут бүппэт остуоруйатын суруйаллар.


Возврат к списку
Издания автора
Сахалар. Дьылҕа-хаан ыйааҕынан
Саха биллиилээх суруналыыһа Борис Иванович Павлов 90-с сылларга бэйэтэ туспа айар суоллаах ааптар быһыытынан ааҕааччыга биллибитэ. Кини бу кинигэтигэр саха чулуу дьонун дьылҕаларынан норуотун, көлүөнэтин инникигэ дьулуурун көрдөрүөн баҕарар.
Дьолуо
Кэм-кэрдии... Олох… Таптал... Борис Павлов ураты поэзиятыгар.