Персональный сайт: Борис Павлов
Персональный сайт: Борис Павлов

Соло суох

Бырастыы гын,
соло суох!
Сылайарга,
Санньыйарга,
Сынньанарга,
Сыппыырга,
Мөлтүүргэ,
Көмө көрдүүргэ.
Хамсаныахпытын наада
Олоҕу оҥоруохпутун,
Дьылҕа быатыттан
тутуһуохпутун,
Үрдүккэ тардыһыахпытын,
Оһоҕу оттуохпутун,
Оҕолорбутун атахтарыгар
туруоруохпутун,
Дойдубутун туругурдуохпутун!
Соло суох!
Өһүргэнэргэ,
Өсөһөргө,
Өстөһөргө,
Өрөлөһөргө,
Өй былдьаһарга.
Хаһыҥырыы тураллар 
айаас аттар,
Тыаҕа улуйаллар 
бөрөлөр,
Тэмэлдьигэн курдук 
халлааҥҥа көтөн
тахсаллар бөртөлүөттэр,
Тыалга мөхсө хамсыыллар
аарыма үөттэр.
Эрэл эйиэхэ Эр бэрдэ!
Саха саарына!
Омук төрдө!
Ытык киһи ыччата,
Дьоһун киһи дьоло,
Сарсыҥҥы сарсыарда
саргыта,
Туйаарыма Куо тойуга,
Ньургун Боотур дьулуура,
Манчаары Баһылай ырата,
Өксөкүүлээх айана,
Алампадьыыс ырыата,
Сүөдэр хахай сүрэҕэ,
Буучугурас тустуута,
Арамаан күүстээх быраҕыыта,
Айыы сиргэ тайыыта,
Олох бастыҥ оҥоһуута!


Возврат к списку
Издания автора
Дьолуо
Кэм-кэрдии... Олох… Таптал... Борис Павлов ураты поэзиятыгар.
Сахалар. Дьылҕа-хаан ыйааҕынан
Саха биллиилээх суруналыыһа Борис Иванович Павлов 90-с сылларга бэйэтэ туспа айар суоллаах ааптар быһыытынан ааҕааччыга биллибитэ. Кини бу кинигэтигэр саха чулуу дьонун дьылҕаларынан норуотун, көлүөнэтин инникигэ дьулуурун көрдөрүөн баҕарар.