Персональный сайт: Борис Павлов
Персональный сайт: Борис Павлов

Дойдубар

Ыйытыахтара баҕар: ханна
төрөөбүккүнүй,
Кииниҥ ханна түспүтэй?
Киһи буолар буор кутуҥ
Бастаан күнү көрбүтэй?
Хайа сиргэ кэрии тыаҕа
Чаччыгыныар күлбүтэй?
Булчут бэрдэ буолуо диэн
Килбик киргил үөрбүтэй?
Туоһулаһыахтара куйаас
күн
Дууһаҥ ханна сөрүүкүүр,
Ханнык ааттаах үрэхтэргэ
Оҕо сааһыҥ сөтүөлүүр?
Ханнык ытык кырдьаҕастар
Манна орох тэппиттэрэй,
Ханнык улуу олоҥхоһуттар
Өрөөн ааспыт өтөхтөрөй?
Атылҕаҥҥа, тапталга
Ханнык сүрэх үөрэппитэй,
Ханнык талах, үөт, хатыҥ
Сүмэһинин иһэрпитэй?
Мунчаарыыттан,
мунаарыыттан
Ханнык чараҥ саһыарар,
Санааларгын, толкуйдаргын
Хайа алаас сааһылыыр?
Орох тэппит, орой мэник
Санаа кыра уолчааны,
Ыраах, ыраах ыҥырбыт
Кылыгырыыр чуорааны,
Айаас аттаах, уот кыымнаах
Лиһигирэс уолаттары,
Сайыһа хаалбыт,
санньы курус
Оҕо сааспыт буолактарын.
Ийэ дойду ийэ курдук
Куруук күүтэр, кэтэһэр,
Тала барбат хайдах баардыы
Уолаттарын ылынар.


Возврат к списку
Издания автора
Сахалар. Дьылҕа-хаан ыйааҕынан
Саха биллиилээх суруналыыһа Борис Иванович Павлов 90-с сылларга бэйэтэ туспа айар суоллаах ааптар быһыытынан ааҕааччыга биллибитэ. Кини бу кинигэтигэр саха чулуу дьонун дьылҕаларынан норуотун, көлүөнэтин инникигэ дьулуурун көрдөрүөн баҕарар.
Дьолуо
Кэм-кэрдии... Олох… Таптал... Борис Павлов ураты поэзиятыгар.