Персональный сайт: Борис Павлов
Персональный сайт: Борис Павлов

Күһүҥҥү метаморфоза

Ардахтар,
таммахтар,
чалбахтар,
саһарбыт сэбирдэхтэр,
саарбах санаалар
кэмнэрэ,
Тымныыттан күрэнэн
айаҥҥа хомунар
кубалар, туруйалар,
сыппай кынаттаахтар
бириэмэлэрэ.
Кинилэр үрэххэ мустан
сарсыарда аайы тугу эрэ
мунньахтыыллар,
Күһүнтэн сайыҥҥа тугу
сүгэн илдьэри
толкуйдууллар.
Ханна эрэ халлааҥҥа
ким эрэ сылайбакка
түүллэртэн киинэ 
устар,
Остуолга кэккэлээбиттэр
бэҕэһээ көтө
сылдьыбыт,
бүгүн үргэммит
кустар...
Ханна да куоппаккын,
күн сыппаан эрэр
сардаҥаларынан 
рентген курдук
дууһаҕын
курдары көрөр, Туохтан туоххаһыйбыккын,
кимтэн хомойбуккун
барытын бу баар 
курдук ытыска ууран
биэрэр.
Умуллан эрэр уоттаах
бөппүрүөскэбин
кэлэйбиттиии
ыраах элитэбин,
Сырдык саҕахтаах
инники олохпор
син биир эрэнэбин.
Маннык кэмнэргэ
хата, төрөөбүт сайылыгым
абырырыыр,
Үчүгэйи эрэ үөйэр, 
төрөппүт ийэ курдук
сымнаҕастык алгыыр.
Уот оттобун,
сырдык айыыларбын
аһатабын,
Дьыл ханнык да
кэмигэр мин дууһабын
харыстаан илдьэ
сылдьарыгар
махтанабын.


Возврат к списку
Издания автора
Сахалар. Дьылҕа-хаан ыйааҕынан
Саха биллиилээх суруналыыһа Борис Иванович Павлов 90-с сылларга бэйэтэ туспа айар суоллаах ааптар быһыытынан ааҕааччыга биллибитэ. Кини бу кинигэтигэр саха чулуу дьонун дьылҕаларынан норуотун, көлүөнэтин инникигэ дьулуурун көрдөрүөн баҕарар.
Дьолуо
Кэм-кэрдии... Олох… Таптал... Борис Павлов ураты поэзиятыгар.