Персональный сайт: Борис Павлов
Персональный сайт: Борис Павлов

Күн таҥыллар

Күн турар 
бытархайтан:
Эн дорооболоһоргуттан
дорооболоспоккуттан,
Ким эрэ үөрэн
чаҕылыйбытыттан,
Ким эрэ алҕаска
кынчарыйбытыттан.
Хойутаан кэлбит
автобустартан,
Санньыар, курус
ардахтартан,
Сыыһалартан,
алҕастартан,
баттыыр быстах
былыттартан.
Күн таҥыллар
бытархайтан:
Куппут чэйиҥ
сылааһыттан,
Саныыр санааҥ
ырааһыттан,
Ыҥырар айан 
ырааҕыттан.
Тыаллааҕыттан,
Ыаллааҕыттан,
Миинэр атыҥ
кыахтааҕыттан.
Соһуччу үөрүүлээх 
сонуннартан,
Ыаллар этэҥҥэ
олорууларыттан,
Эрэттэр тылларын
толорууларыттан.
Өрүс мууһа ууллуутуттан,
Күүтэр дьахтар
тулууруттан,
Суоппар хайдах
урууллууруттан.
Гитара ылбыт 
аккордуттан,
Этиҥ тииккэ охсуутуттан,
Айар киһи
муҥатыйыытыттан,
Айыы сиргэ
тайыытыыттан.
Айыытыттан,
Ойуутуттан,
Олох туһунан
туойуутуттан.
Иэйиититтэн,
иэҕиититтэн,
Сырдык диэки 
хайыһыытыттан.
Күн таҥыллар...
Күн таҥыллар...
Күн таҥыллар...
Күн таҥыллар...
Күн таҥыллар...
Күн таҥыллар…
Күн таҥыллар...
Күн.


Возврат к списку
Издания автора
Дьолуо
Кэм-кэрдии... Олох… Таптал... Борис Павлов ураты поэзиятыгар.
Сахалар. Дьылҕа-хаан ыйааҕынан
Саха биллиилээх суруналыыһа Борис Иванович Павлов 90-с сылларга бэйэтэ туспа айар суоллаах ааптар быһыытынан ааҕааччыга биллибитэ. Кини бу кинигэтигэр саха чулуу дьонун дьылҕаларынан норуотун, көлүөнэтин инникигэ дьулуурун көрдөрүөн баҕарар.