Персональный сайт: Борис Павлов
Персональный сайт: Борис Павлов

СҮРЭХХЭ

Айан ыраах,
Суол уһун,
Арылыйа сырдаатын
Сөҕүрүйбэт сулуһуҥ!
Барар суолум ырааҕынан,
Саныыр санаам сылааһынан,
Үрэх уутун ырааһынан
Сүрэххэ Эн бааргын.

Ааһабын маардары, мырааннары,
Барыта билэр сирдэрим, барыта дууһабар күндү.
Харахпынан симэбин. Эйигин көрөбүн,
Умнубатах киһи ол күнү.
Сарсыардааҥҥы сардаҥанан,
Санньы курус ардаҕынан,
Кылыгырыыр ытарҕанан,
Тарыыр алтан тарааҕынан
Сүрэххэ Эн бааргын.

Олорбутум буолуо баҕар уһуннук, баҕар кылгастык,
Сүрэҕи киһи бас билбэт,
Сүрэх туспа олохтоох.
Ыра санааны сатаан муоһалаабакккын,
Кэрэни сатаан атыллаабаккын
Үрдүк сулус сырдыгынан,
Үрүҥ көмүс ардаҕынан,
Сиргэ олох кырдьыгынан
Сүрэххэ Эн бааргын.
Эн бааргын,
Эн бааргын,
Эн бааргын,
Эн бааргын,
Эн бааргын,
Эн бааргын,
Эн бааргын...

Борис Павлов




Возврат к списку
Издания автора
Дьолуо
Кэм-кэрдии... Олох… Таптал... Борис Павлов ураты поэзиятыгар.
Сахалар. Дьылҕа-хаан ыйааҕынан
Саха биллиилээх суруналыыһа Борис Иванович Павлов 90-с сылларга бэйэтэ туспа айар суоллаах ааптар быһыытынан ааҕааччыга биллибитэ. Кини бу кинигэтигэр саха чулуу дьонун дьылҕаларынан норуотун, көлүөнэтин инникигэ дьулуурун көрдөрүөн баҕарар.