Персональный сайт: Борис Павлов
Персональный сайт: Борис Павлов

СЫРДЫК

Бу суорҕанынан миигин ийэм үллүйбүтэ
Түүн тоҥмотун, дьагдьайбатын диэн,
Бу тунал хаарынан халлаан сири бүрүйбүтэ
Куһаҕан санаа сатыылаабатын диэн.
Миэхэ сылаас,
Үйэлэргэ күндү,
Таптыыбын сырдык күнүһү.

Бу сулуһу миэхэ халлаан бэлэхтээбитэ
Бу одурууннаах олоххо мумматын диэн,
Бу күндү дьону дьылҕа анаан биэрбитэ
Бу сиргэ тулаайахсыйбатын диэн.
Миэхэ сылаас,
Үйэлэргэ күндү,
Таптыыбын үйэлээх күнүһү.
Махтанабын бэлэхтээбиккэр:
Дьону,
Дьолу,
Киһини,
Кинини,
Ырыаны, Ыраны,
Санааны,
Саҥаны!

Борис Павлов




Возврат к списку
Издания автора
Дьолуо
Кэм-кэрдии... Олох… Таптал... Борис Павлов ураты поэзиятыгар.
Сахалар. Дьылҕа-хаан ыйааҕынан
Саха биллиилээх суруналыыһа Борис Иванович Павлов 90-с сылларга бэйэтэ туспа айар суоллаах ааптар быһыытынан ааҕааччыга биллибитэ. Кини бу кинигэтигэр саха чулуу дьонун дьылҕаларынан норуотун, көлүөнэтин инникигэ дьулуурун көрдөрүөн баҕарар.