Персональный сайт: Борис Павлов
Персональный сайт: Борис Павлов

...АТАЙ БАЛАЙ

Көччөх сааспар баҕа санаам
Көҕөн буолан көппүтэ,
Ыччат сааспар ыра санаам
Атах балай барбыта.

Онтон ыла уйан сордоох
Дууһам олох уоскуйбат,
Сүрэх кыымын ситэр санаа
Түөһүм иһин тулуппат.

Ситэ сатаан тэлбит суолум
Сири үстэ эргийдэ,
Була сатаан хаампыт суолум
Тиҥилэхпин элэттэ.

Атах балай дьолу көрдөөн
Хайдах суолу ааспыппын
Хаҥыл хааннаах, үрүҥ сиэллээх
Ыйыт дьоруо аппыттан.

Үрэх баһын туҥуй уола
Ситиэҥ суоҕа диэбиттэр,
Өһөс хааннаах атаах кукка
Эбии күүһү биэрбиттэр.

Атах балай үрдүк санаа
Кыымын туттум диэбиттэр,
Айар үлэ, модун кынат
Сүдү күүһүн билбиттэр.

Атах балай, көҥүл санаа
Баҕар сарсын охтуоҕум,
Ситэ сатаан ааспыт суолбун
Дьолум эбит дэниэҕим.
Атах балай,
Атах балай,
Атах балай,
Атах балай,
Атах балай,
Атах балай,
Атах балай,
Атах балай,
Атах балай.....

....... Борис Павлов






Возврат к списку
Издания автора
Сахалар. Дьылҕа-хаан ыйааҕынан
Саха биллиилээх суруналыыһа Борис Иванович Павлов 90-с сылларга бэйэтэ туспа айар суоллаах ааптар быһыытынан ааҕааччыга биллибитэ. Кини бу кинигэтигэр саха чулуу дьонун дьылҕаларынан норуотун, көлүөнэтин инникигэ дьулуурун көрдөрүөн баҕарар.
Дьолуо
Кэм-кэрдии... Олох… Таптал... Борис Павлов ураты поэзиятыгар.