Персональный сайт: Борис Павлов
Персональный сайт: Борис Павлов

ДЬЭ!


Эмиэ халлаан быыппастар дуу, этиҥ этэр,
Кырдьык кус оҕотун курдук хас биирдиибитин муннукка хаайар,
Эн кимҥиний? Хантан кэлбиккиний диэн айдаарар.
Бу араллааҥҥа кыра-хара дьон хайдах буолабыт диэн анаарар.

Туох буолуой, миэхэ өбүгэлэрим эппиттэрэ сүрэхпэр баар.
Албыҥҥа - көлдьүҥҥэ киирэн биэримэ диэбиттэрэ,
"Тыл барда - бас барда!" - Бу тылы хараҕын харатын курдук харыстаа диэбиттэрэ.

Бу орто дойдуга элбэх минньигэс тыл,
Куолу - хаалы харыыта суох элбэх.
Мин дьонум онтон сиргэнэллэрэ,
Саха киһитэ туспа Айылҕалаах диэн этэллэрэ,
Үрдүк Айыыларга арыынан аал уоту кээһэлэрэ.

Биһиги үйэ тухары эрэнэр кэлбиппит Боотурдарбытыгар,
Кинилэр уустук кэмҥэ көмүскүөхтэрэ, дурда хахха буолуохтара дэһэрбит.
Бырастыы гын Тойон Таҥара,
Атын үйэ, атын дьон ааҥнаан кэлбитигэр.
Тыл, суобас, эппиэтинэс сыаната кус түүтүн курдук намыһахтык түспүтүгэр.

Мин эһэм итини сөбүлүү истиэ суоҕа этэ,
Көхсүн этитэн туох үйэ кэллэ, туохха -ханна тиийдигит диэ этэ.
Мин эрэйдээх тугу хардарыахпыный?
Ама, маннык албын үйэ кэллэ диэри дуо?
Норуот эрэнэр дьоно амчыраата диэри дуо?

........ Борис Павлов




Возврат к списку
Издания автора
Сахалар. Дьылҕа-хаан ыйааҕынан
Саха биллиилээх суруналыыһа Борис Иванович Павлов 90-с сылларга бэйэтэ туспа айар суоллаах ааптар быһыытынан ааҕааччыга биллибитэ. Кини бу кинигэтигэр саха чулуу дьонун дьылҕаларынан норуотун, көлүөнэтин инникигэ дьулуурун көрдөрүөн баҕарар.
Дьолуо
Кэм-кэрдии... Олох… Таптал... Борис Павлов ураты поэзиятыгар.