Персональный сайт: Борис Павлов
Персональный сайт: Борис Павлов

ОННУК!


Хатыҥнар атах сыгынньах
....... алааска хааман
киирбиттэр.
Тунал хаар сир сиигин
.......... кытта бииргэ
силбэспит.
Күн үөһэ ойбут.
......... . Халлаан сылаас.
Маннык кэмҥэ санаа
........ кыырпах курдук
ып - ыраас.

Кырдьык.
Бу орто дойдуга ким да,
........ хаһан да ытаабатаҕын
курдук.
Санньы - курус санаа ханна
........... да сатыылаабатаҕын
курдук.

Оннук.
Уһун хара суһуох алтан
тарааҕынан тарааныллыбытын
....................... курдук.
Хара хара харах дьолтон
....... үөрэн уйадыйбытын
....................... курдук.
Сырдык хараҥаны
.......бүтэһиктээхтик
.......... суурайбытын курдук.
Бу сиргэ эрэй-буруй
........ букатыннаахтык
..........уурайбытын курдук...

Кырдьык.
Кырыыһаттан сааскы
...таммах таммалаабытын
.................... курдук.
Суоруллубат кырдьык
...... туругурбутун курдук.
Бу олоххо оҥорбут
...... алҕаспын барытын
.... айылҕа алы гыммытын
курдук...
Кырдьык.
Оннук.
Оннук.
Оннук.
Оннук.
Оннук.
Оннук.
Оннук.
Оннук.
Оннук....
......... .. Борис Павлов




Возврат к списку
Издания автора
Дьолуо
Кэм-кэрдии... Олох… Таптал... Борис Павлов ураты поэзиятыгар.
Сахалар. Дьылҕа-хаан ыйааҕынан
Саха биллиилээх суруналыыһа Борис Иванович Павлов 90-с сылларга бэйэтэ туспа айар суоллаах ааптар быһыытынан ааҕааччыга биллибитэ. Кини бу кинигэтигэр саха чулуу дьонун дьылҕаларынан норуотун, көлүөнэтин инникигэ дьулуурун көрдөрүөн баҕарар.