Персональный сайт: Борис Павлов
Персональный сайт: Борис Павлов

ТУЛУЙ

(Бар дьоммор бу ыарахан күннэргэ)

Бүгүн таһырдьа 
.......  хахсаат тыаллаах.
Халлааны сабардыыр көһөҥө
                     былыттаах.
Күн аайы бүтэн биэрбэт 
.........сурах- садьык,
............  дьаҥ- дьаһах,
 Барыта  сындалҕаннаах, сылаалаах.
БИЛЭБИН,
   бүгүн Эйиэхэ наадалар 
                     сылаас тыллар.
Сүрэхтэн сайан тахсар
            иһирэх этиилэр,
Өйгүн - санааҕын сааһылыыр
                    санаалар,
Сүргүн көтөҕөр саргылаах 
            иэйиилэр.
ТУЛУЙ.
Күүстээх санаа тугу
   барытын  кыайар.
Ыллыктаах толкуй санааны
                 сааһылыыр.
Баҕа санаа айалары
       алдьатар, туһахтары
                  барчалыыр.
Салгын сайгыыр.
Уу ыраастыыр.
Алгыс арчылыыр.
ЭРЭН
Эйигин үчүгэй эрэ дьоннор
           тулалыыллар,
Төрөөбүт алааһыҥ, дойдуҥ, 
            дьонуҥ алгыыллар,
Үтүөнү - кэрэни баҕараллар.
Тыалар, хайалар куһаҕантан ытыс курдук көмүскээн,
        хаххалаан тураллар.
БИЛЭБИН,
Кыһын - уһун,
Хаар - халыҥ,
Тыал - сытыы,
ОЛ ЭРЭН КӨР ЭРЭ,
Тыа дьоно сылайбакка
мас саһаанныыллар,
оһоҕу тигинэччи оттоллор
Эн   сүрэххин сылытаары,
Үрэх үрдүгэр дьэп- дьэҥкир
    муустар кэккэлээбиттэр 
Эн саппаҕырбыт 
............. санааҕын сайҕаары.
Туох баар тыаҕа тахсыбыт
    булчуттар өттүк харалаах 
...................... ......... төннүбүттэр
Киэһэ күөс өрөн остуол тула 
. .................. үөрэ- көтө олороору.
Сылгыларбыт
тоҥуу хаары туйахтарынан хаһаллар 
...........бу кыыдааннаах кыһыны 
.................. этэҥҥэ туораары.
 Сотору күн көрүө,
Кэҕэ этиэ,
Чыычаах ыллыа,
От көҕөрүө.
ТУЛУЙ.
Көхсүттэн тэһииннээх саха оҕото,
Киһи ньоҕойо,
Айылҕа сорҕото.
Ытык киһи ыччата,
Дьоһун киһи дьоло.
Санаа сарыаллааҕа,
Киһи боччумнааҕа.
Булчут байанайдааҕа,
Илии эрчимнээҕэ,
Сүүрүк тэтимнээҕэ,
Сырдык күҥҥэ тардыһыылааҕа,
Бүппэт дэгэрэҥ ырыалааҕа.
Айыылартан алгыстааҕа,
Аһыныгас майгылааҕа,
Өбүгэ саҕаттан ыарахантан 
 .:... ....... чаҕыйбат үөрүйэхтээҕэ.
Тулуй.
Тулуй.
Тулуй.
Тулуй.
Тулуй.
Тулуй.
Тулуй.
Тулуй.

                Борис Павлов



Возврат к списку
Издания автора
Сахалар. Дьылҕа-хаан ыйааҕынан
Саха биллиилээх суруналыыһа Борис Иванович Павлов 90-с сылларга бэйэтэ туспа айар суоллаах ааптар быһыытынан ааҕааччыга биллибитэ. Кини бу кинигэтигэр саха чулуу дьонун дьылҕаларынан норуотун, көлүөнэтин инникигэ дьулуурун көрдөрүөн баҕарар.
Дьолуо
Кэм-кэрдии... Олох… Таптал... Борис Павлов ураты поэзиятыгар.